Read God's Word: the Bible

  • What does this tell you about God?
  • What does this tell you about Jesus?
  • What does this tell you about people?
  • If this is true, what difference would it make in your life?
  • Who are five people who you can share your discoveries with?

Luke 4:1-44

1Yisa daa ti ya yi Gyↄdin mↄ'ari n-labi na la, ka Naawunni Sii Kasi pun paali u ni. 2Ka Sii maa daa zaŋŋi u n-taasi yoo ni sa ni u ti niŋi dapisinaasi; ka Sintaani daa zamsi u. Di saha maa u daa bu di bunseela halli ka kↄm ti naayi wum u yoo maa ni. 3Ka Sintaani daa yɛli u, ni, "I yi siri nyɛ la Naawunni biiya, i ku kyɛ ka kugri wa leebi bundirigu?" 4Ka Yisa labsi n-yɛli u, ni, "Di pun sↄbi n-dↄya, ni, pa bundirigu kↄkↄ zugu ka ninsaala bɛ ni." 5Di nyaaŋŋa ka Sintaani daa zaŋŋi u n-kyaŋŋi n-duusi saazugu n-wulisi u duniya puuni tinsi zaasa yooma. 6Ka Sintaani yɛli u, ni, "I bu baŋŋi, ni, mani n su anŋↄ zaa fukumsi? Ka man boori sↄ nuu ni ka n ya n-zaŋŋi a n-niŋi. 7Dizugu i yi sakki n-gbaani n-gyeem ma Naawunni gyeeŋŋu, n nin zaŋŋi anŋↄ zaa ni a bunveela zaa fukumsi n-ti i, ka a ti nyɛ i dina." 8Ka Yisa labsi n-yɛli u, "Di pun sↄbi n-dↄya, ni :- 'Naawunni yinni kↄkↄ N sumsi gbaanigu ni gyeeŋŋu. Ka Ŋↄna n nyɛ ya Dugma.' " 9Ka Sintaani daa laa n-zaŋŋi u n-kyaŋŋi Gyɛrusalɛm timpuuni ka zaŋŋi u n-du n-tↄm Naawunni Gyeeŋŋu Yiri saazugu sa, ka Sintaani yɛli, "I yi siri nyɛ la Naawunni biiya, i ku zaŋŋi i maŋŋa m-basi tiŋŋa? 10Di pun bu sↄbi n-dↄya, ni, Naawunni nin kyɛ ka u malaakadima kyɛ na n-guri i? 11Ka laa n-sↄbi, ni, 'I yi ya lu, ba nin teebi i saazugu ba nuusi ni ka i napↄŋŋu ku tuui kugri.' " 12Ka Yisa labsi n-yɛli u, ni, ba yɛliya, ni, "I di zamsiri i Dugma Naawunni." 13Ka Sintaani ŋↄn daa yi zamsi u n-naai maa, u daa bakki ni ka kyɛ u saha beela. 14Tↄ; ka di nyaaŋŋa ka Sii Kasi kpeeŋŋu daa paali Yisa maa ni, ka u labi Galilii tingbaŋŋu ni na. Ka bɛni tinkpansi maa, ni an zɛ gyilagyila zaa, daa wum u lahabaari maa. 15U daa kpeeri ba la'aŋŋu duri ni n-wulisiri ba, ka ba zaa daa tiri u gyirima u yɛttↄ'a zugu. 16Ka Yisa daa paai Nazarɛti - ban daa wubsi u tinseaa la nla - ka Vuusim Dabsiri daari daa ti paai, ka u daa kpɛ ba la'aŋŋu duu ni hoo u soori ŋↄn daa kur nyɛ seem. 17N-kpɛ bɛni, ka u daa yisigi n-zaani ka ba zaŋŋi Anabi Aizaaya bukku la n-ti u na ni u karim. Ka u daa lakki bukku maa ni u karim n-ti ba. Ŋↄn daa lakki ka maa, u daa bↄ ya'aseaa kan daa wulisi, ni :- 18"Ti Dugma Sii maa bɛ man saani, Dama Ŋↄna n yiisi ma ni m mooli N-wulisi u lahabasuŋŋu maa n-ti faradima. Ka laa n-tum ma ban gbaasi seeba saani Ni n ti yɛli ba, ni, ban nin yiisi ba m-basi. Ni n kyɛm zoomma gba saani N-yɛli ba, ni, ba nini nin neaai. Ni, ban mugsiri seeba yaasa nin nya soori Ni ba ti su ba mansi. 19Lala maa n ya wulisi, Ni, ti Dugma sahasuŋŋu maa paaya." 20Ŋↄn karim lala n-naai maa, u daa labsi n-kpabi bukku maa ka zaŋŋi ka n-tisi ka laa n-zini. Ka ban daa zi duu maa ni maa zaa kur bɛ la u gↄsibu ni. 21Ka u daa piili n-yɛli ba, ni, "Zuna, yan da wumni yɛla wa sahanseaa la, yɛla maa da kur niŋni yɛlimaŋni." 22Ka sↄkam zaa daa pɛ'ari u, ka ŋↄn zaŋŋi yɛm ni nya'asim n-tↄ'asiri u yɛttↄ'a maa seem n daa niŋi ba alahazibu pam. Baseeba boosiri taaba, ni, "Pa Gyoosɛfi bii n-kur ŋↄa?" 23Ka dizugu ŋↄn mun daa labsi n-yɛli ba, "Man kur mi halli, ni, ya nin teaai ma nyɛsiseaa yɛla - kan yɛtti, ni, 'Nyin tiimaraana wa, kur tibma i maŋŋa!', ni, 'Tin daa wum ka i tum seem Kapirinyum tiŋŋa ni la, see ka i tum lala i mammaŋŋa tiŋŋa wa puuni!' " 24Ka u daa laa n-yɛli ba, "Yɛlimaŋni ka n yɛtti ya wa, anabi zaa maŋtoori timbiisi n nyɛ ban bu sakki n-deaari u. 25Amaa yɛlimaŋni ka n ya yɛli ya, Izraɛli pukↄya daa zoaai pam Anabi Ilaygya saha la, wari ŋↄn daa zaani yuuma ata ni gↄya ayoobu ka kↄm lu. 26Amaa Naawunni daa bu tum Ilaygya ni u kyaŋŋi pukↄya wa sↄsↄ saani, amaa pukↄsↄ ŋↄn daa bɛ Zarifaati tiŋŋa saani ka u daa tum u - tiŋŋa wa n kur bɛ Saidoon tingbaŋŋu ni. 27Yaasa m-paasi: Gyuudii tingbaŋŋu ka kↄnsi daa zoaai pam Anabi Ilayseaa saha la, amaa ba sↄsↄ daa bu nya tippu, amaa Na'aman sↄ ŋↄn daa nyɛ Siriiya nira la ka ba daa tibi." 28Tↄ; ka ban daa wum u yɛttↄ'a wa la'aŋŋu duu maa ni, ba zaa sufu daa yisigi ni 29ka ba daa zaŋŋi u n-yiisi ba tiŋŋa maa ni, m-mari u halli ni zↄpiisi zugu ni ba daai u n-lusi n-ku u, 30amaa u daa dↄli ba sunsukkuni n-yi n-kyaŋŋi ka kyɛ ba. 31Tↄ; ka Yisa daa kyaŋŋi n-sigi m-paai Kapirinyum - Galilii tingbaŋŋu tinseaa n nyɛ ka. U daa paai m-bɛ ni, ka daa la'amni ni Kapirinyum dima n-wulisiri ba, Vuusim Dabsiri kam zaa. 32Di daa niŋi ba alahazibu pam ŋↄn daa tↄ'asiri yɛttↄ'amaŋa la zugu, ka u bu birisiri halli beela. 33Ka dↄsↄ daa bɛ la'aŋŋu duu maa ni ka arizimbeoo daa kur bɛ u ni. Ka u daa kaasi pampam, ni, 34"Aah! Yisa, nyin Nazarɛti doo wa! Wula ka i ya m-mukki ti? I kyɛnni na ni i ti sa'am ti, bee? M mi nyin nyɛ sↄa: ni, i nyɛ la ŋↄn nyɛ bunkasikasi ka yi Naawunni saani na!" 35Amaa Yisa daa nyikki u ka yɛli, "Sina i vuuri ka yi na ka kyɛ u!" Ka arizimbeoo maa daa tↄ doo maa n-lusi u tiŋŋa, ba zaa sunsukkuni, ka yi na ka kyɛ u, ka sɛseelli bu niŋi doo maa. 36Ka di daa yi gyɛri ba zaasa ka ba yi yɛtti taaba, ni, "Ka yɛligu bↄ nŋↄa? U kur zaŋŋi yaa n-tↄ'asiri u yɛttↄ'amaŋni n-yɛtti arizimbeeri, ni, ba yim na, ka ba siri yiiri na, fimm!" 37Ka ŋↄn daa niŋi seem maa daa mooli n-gyili bɛni tinsi maa ni, ni a tinkpansi zaa. 38Ka u daa yi la'aŋŋu duu maa ni n-kpɛ Saimoon yiri. Di saha maa Saimoon deemma ka waari daa mara, ka u dↄya n-gyigra, ka ba daa tↄ'asi n-ti Yisa m-boosi u zaŋŋi n-kyaŋŋi pↄ'a maa yɛla. 39Ka u daa kpɛ n-zaani u saani ka tasi dooru maa ka di yi ka kyɛ pↄ'a maa ka u daa doaai yooma n-yi na n-tum n-ti ba. 40Tↄ; ka wuntaŋŋa ŋↄn daa ti lura, ka niriba pam daa zi ba baaridima n-kyɛ u saani na, ka u zaŋŋi u nuusi m-pa sↄkam zaa zugu, ka tibi ba. 41Ka arizimbeeri daa yi na ka kyɛ niriba pam, ka kur tasiri n-yɛtti, ni, "Nyini n nyɛ Naawunni bii la!", amaa u daa nyikki ba ni, ka bu sakki ni ba tↄ'asiri lala, dama ba daa baŋŋiya, ni, ŋↄna n nyɛ Masiiya, Naawunni ŋↄn tum sↄ la. 42Tↄ; ka beoo ŋↄn daa ti neaai, u daa yi timpuuni n-kpɛ moo ni. Ka ba zaa daa bↄ m-bↄ nti nya u, ka susiri u n-yɛnni, ni, u di laa n-kyaŋŋi seela ka kyɛ ba; 43amaa u daa yɛli ba, "Di nyɛ la talasi ni m mooli Naawunni naam lahabasuŋŋu n-gyili, ka tinseesi an kpalim la zaa gba wum: dizugu ka Naawunni tum ma na." 44Ka u daa doaai n-kyaŋŋi Gyuudii tingbaŋŋu ni nti kpɛ ba la'aŋŋu duri ni n-yiisiri wa'azu.
Read More