Read God's Word: the Bible

  • What does this tell you about God?
  • What does this tell you about Jesus?
  • What does this tell you about people?
  • If this is true, what difference would it make in your life?
  • Who are five people who you can share your discoveries with?

Luke 21:1-38

1Tↄ; ka Yisa daa ti gↄsi n-nya bundaandima ŋↄn daa bɛ Naawunni Gyeeŋŋu Yiri n-zaŋŋni ligri pam n-niŋni aduuwa seem. 2Ka nya pukↄsↄ ŋↄn daa nyɛ faradaana gba ŋↄn daa zaŋŋi u ligri fiiŋ, kulla la'abisibisi ayi, n-niŋi aduuwa. 3Ka Yisa yɛli, "Yɛlimaŋni ka n ya n-yɛli ya, pukoori faradaana wa tisi n-gaari ba zaa, 4dama ba sↄkam yiisi la u marigu pam puuni n-tisi, amaa pukoori wa ŋↄna - u zaŋŋi la ŋↄn mari seelli zaasa n-tisi ka kpalim yↄri." 5Ka ninvugseeba daa tↄ'asiri zaŋŋi n-kyaŋŋi Gyeeŋŋu Yiri maa meebu ŋↄn veela seem, ni, kugveela m bɛ ni, ni niriba ŋↄn tisi bunsuma zaa m-paasi. 6Ka Yisa yɛli ba, ni, "Yan gↄsiri bunseesi wa zaa maa muna - dahinseaa kyɛnni na ka a zaa nin ti wurim m-basi halli ka kugseaa ku kpalim n-tↄm ka kpeaa zugu." 7Ka ba daa boosi u, ni, "Ti Karimba, wula saha ka dinŋↄ nin niŋi? Bee bumbↄ nin ti niŋi n-wulisi, ni, anŋↄ zaa ya m-paai ti na?" 8Ka u yɛli ba, "Ya baŋŋma suŋŋa, ka di kyɛ ka ba yↄmsi ya. Niriba pam nin zaŋŋi n yuuri n-kyɛ na, ni, 'Mani n nyɛ u!' bee 'Saha maa paaya!' Yan di dↄli ba nyaaŋŋa! 9Ya yi ti wumni tↄppu damni, bee zaba yɛla, yan di kyɛ ka dabeem mari ya, dama see ka anŋↄ taabu daŋŋi pↄi, amaa dinŋↄ na bu wulisi, ni, naari paaya." 10Ka u daa laa n-yɛli ba, "Tinsi dima nin yisigi n-tuusi taaba tↄppu, ka nadima gba nin tuusi taaba. 11Tingbaŋŋu maa nin damni kpa, ka ka nin damni kpa; ka kↄm nin ti lu, ni dooru m-paasi; ka ba nin nya bunnyaara saazugu sangbana ni, ka a nin ti kpeesiri dabeem pampam. 12Amaa ba nin daŋŋi n-kari ya nti gbaai ya n-taasi ba la'aŋŋu duri ni, ka kpari ya duu. Ba nin zaŋŋi ya n-niŋi nadima nuusi ni, ni gↄmnadima nuusi ni: man yuuri zugu ka ba nin niŋi ya lala. 13Ka anŋↄ nin ti kyɛ ka ya wulisiri ba yan mi n yɛliseesi." 14Ka yɛli ba, ni, "Ya kpaŋŋma ya sufu n-zɛ yimmu, ba ti boosi ya boosa sahanseaa la; yan di kyɛ ka di mugsi ya zaŋŋi n-kyaŋŋi ya nin ti labsi ba seem. 15Dama mani nin ti ti ya yɛm, ni yɛttↄ'aseesi yan nin labsi ba; ka ba ku toaai n-za'asi bee n-tↄ'asi n-lusi ya. 16Ya badima ni ya madima nin ti zaŋŋi ya n-niŋi ya dindaandima nuu ni, ka ya mabiisi gba nin ti niŋi lala, ni ya dↄ'ariba ni ya zↄdima. Ba nin ti ku yaseeba. 17Ba zaa nin ti yaai ya, man yuuri zugu: 18amaa halli ya zↄbgu yinni gba ku ti sa'am m-basi. 19Ka yan kpaŋŋi ya mansi m-bari n-zaani maa zugu ya nin nya nyↄvuri." 20Yisa daa laa n-yɛli ba, ni, "Ya yi ti nya ka tↄbbiisi ziintiri n gyiligri Gyɛrusalɛm tiŋŋa, yan baŋŋma, ni, tiŋŋa maa sa'aŋŋu saha paaya. 21Di saha maa ya kyɛ ka ban bɛ Gyuudii tingbaŋŋu la ni maa ti zↄ n-du zↄya ni; ka ban ti bɛ Gyɛrusalɛm puuni, ban zↄma n-yi ka ni, halli tinkpansi dima mun di kpɛ ka puuni na. 22Dama 'tubdarigri saha' n nyɛ di, hoo ban daa pun sↄbi n-dooli seem, sahaseaa kan gaari la. 23Di saha maa nin ti kpeem pam n-tisi pↄ'apuusi dima ni pↄ'aseeba ban mari biisi ka ba na mↄ'ara. Dama namsigu pam nin niŋi duniya wa ni, ka Naawunni sufu nin ti yisigi m-basi tiŋŋa wa dima zugu. 24Ba nin ti zaŋŋi takoobi n-ku ba, ka gbaasi ban kpalim ka ba leebi daaba zuliya kam dima nuusi ni. Ka ban pa Izraɛli dima nin ti deaai Gyɛrusalɛm tiŋŋa n-noori n-gyinna halli ti paai ba yuuma tↄriga - yuunseesi Naawunni ŋↄn pun zaali ni ba su ka maa." 25Ka u daa laa n-yɛli ba, ni, "Ba nin ti nya alahazibu bunnyaara wuntaŋŋa ziiya, ni gↄri puuni, ni saŋmariwuusi ni. Wahala nin ti bɛ tinsi zaa puuni ka sↄkam sufu nin ti tulim teeku zugu, ni ka kↄgbana la vuuri pam. 26Ka dabeem nin ti kpɛ niriba pam halli ka ba ligi dizugu, dama arizana yiiko daandima zaa nin ti damna ka niriba zↄri bunseesi an paari duniya wa na. 27Di saha ka ba nin ti nya 'Ninsaala Bii maa ka u pↄtti na, ka sangbana nin gyiligi u', ka u nin ti mari yiiko ni gyirima veelim pam. 28Anŋↄ zaasa yi ti piili n-niŋna, di saha ya wukkma ya zugri n-gↄsi saazugu, dama ya tuliginsim saha yi paari ya na." 29Ka Yisa daa nyɛsi yɛttↄ'anyɛsiri n-ti ba, ni, "Ammi, ya bu baŋŋi kinkaŋŋa ni tiisi zaa yɛla? 30Yan yi nya ka a pusiri vamaasa, ya yi baŋŋi, ni, siga saha pↄtta. 31Ka di bɛ la lala: ya yi ti nya ka yɛla wa zaa niŋna, ya nin baŋŋi, ni, Naawunni naam saha maa bu ya n-yuui. 32Yɛlimaŋni ka n yɛli ya wa, ni, zuna niriba zaa ku gaari see ka anŋↄ zaa niŋi. 33Saazugu ni tingbaŋŋu nin gaari, amaa man yɛttↄ'a ku gaari." 34Yisa daa laa n-yɛli "Amaa yan di kyɛ ka ya kↄribeeri ni ya danyuubu ni duniya wa ni yɛla ti diisi ya n-dooli tiŋŋa, halli ka di daari maa ti gbaai ya 35hoo kyɛ'ariga: dama di nin ti paai ŋↄnkam bɛ duniya wa ni zaasa. 36Dizugu yan di gbisiri sahakam, ka ya susiri Naawunni; di nin kyɛ ka ya nya kpeeŋŋu n-tuligi n-yi din ti ya niŋi maa zaa ni, ka naayi zaani Ninsaala Bii maa tooni." 37Di saha maa ka Yisa daa kur bɛ la Naawunni Gyeeŋŋu Yiri n-wulisiri niriba beoo kam, amaa yuŋŋu ŋↄn daa ti paai u daa du Ↄlivii Zoori n-gbɛ bɛni. 38Ka niriba zaa daa daŋŋi n-kyaŋŋi Naawunni Gyeeŋŋu Yiri maa ni, ni ba ti wum u yɛttↄ'a maa.
Read More