Read God's Word: the Bible

  • What does this tell you about God?
  • What does this tell you about Jesus?
  • What does this tell you about people?
  • If this is true, what difference would it make in your life?
  • Who are five people who you can share your discoveries with?

Luke 15:1-32

1Sahanseaa ka lampodeaariba pam daa kyɛnni Yisa saani na, ni ala'akyi dima gba, ni ba ti wum u yɛttↄ'a. 2Ka Farisii dima ni karimbadima daa nyurimni yɛttↄ'adↄ'asa, ni, "Doo wa deaari la ala'akyi dima ka ŋↄn ni ban la'amni n-dira." 3Tↄ, ka Yisa daa yɛli ba yɛttↄ'anyɛsiri wa, ni, 4"Ya ninvugsↄ yi mari la u peesi kↄbga ka ba yinni ti bↄrigi, u bu ya m-bↄ u ziiya? Ay! - u nin kyɛ u peesi kↄbga-yinni-ka la ka ba kpalim m-bɛ moo maa ni ka kyaŋŋi nti gyili m-bↄ pɛsↄ ŋↄn bↄrigi ziiya halli nti nya u. 5Ka u yi ti nya u, u nin zaŋŋi u m-bugi u bↄ'ari zugu ni sufupeelli m-mari u n-kuli yiri ni. 6U yi paai yiri ni na, u nin booli u zↄdima ni u kpeerintaaba ni ba la'amma na, ka yɛli ba. 'Ya paasim n zugu m-mari sufupeelli, dama n nya m pɛsↄ ŋↄn daa bↄrigi la.' " 7Ni, "N yɛtti ya ni, ni, lala gba ka ba mari sufupeelli arizana ni pam, ala'akyi daana yinni zugu, u yi ti takki u teesibeeri tuma n-niŋi tuuba sahanseaa la: ka di gaari ban mari sufupeelli seem maa zaŋŋi n-kyaŋŋi ninvugsuma pisiwai ni awai seeba taalli ŋↄn bu dↄli ni ba niŋma tuuba." 8Ka u laa n-yɛli ba, "Bee, yaasa: pↄ'a yi bɛ ni m-mari u anzulifa ligri piiya ka a la'afu yinni lↄrigi n-lu: u bu ya n-nyoaai firila ka gbaai duu maa zaa piiri ni nimmoaa, ni u ti bↄ ka ziiya; halli nti nya? 9Ka u yi ti nya ka n-naai, u nin booli u zↄdima ni u kpeerintaaba ni ba la'am na, ka yɛli ba, 'Ya paasim n zugu m-mari sufupeelli, dama n nya n la'aseaa kan da bↄrigi la!' 10Ka n yɛtti ya, ni, lala gba n nyɛ di Naawunni malaakadima saani: ba mari la sufupeelli, ala'akyi daana yinni zugu, sↄ ŋↄn takki u teesibeeri tuma n-niŋi tuuba maa." 11Ka Yisa daa laa n-yɛli ba m-paasi, ni, "Dↄsↄ n daa bɛ ni m-mari u bidibsi ayi. 12Dindahinseaa ka doo wa bisaani maa daa ti yɛli u, 'M ba, tim ma n faari tↄrli!' Ka u ba daa puri ŋↄn ni u beeri faari n-ti ba. 13Di daa bu yuui ka bisaani maa daa la'asi u marigu zaa n-yi n-kpa n-kyaŋŋi tinwa'aligu. Bɛni ka u daa ti bɛ yↄriyↄri n-sa'am u marigu zaa. 14Ka ŋↄn daa ti di ŋↄn mari seelli kam zaa n-naai sahanseaa la, kↄm daa lu tingbaŋŋu maa ni, ka u yi leebi ŋↄn kↄŋŋi bundira. 15Dizugu u daa kyaŋŋi tiŋŋa maa ni dↄsↄ saani ni u tim u tunseaa; ka u daa zaŋŋi u n-kyɛ ka u bɛ moo ni n-gↄsiri u kurikyuudima n-ti u. 16Ka u daa yi ti boori la u di kurikyuu diibu maa, ka sↄ bu tiri u bunseelli. 17Di saha maa ka u yɛm daa ti zuligi na, ka u daa teesi u sufu ni n-yɛli, 'M ba yiri tuntumniba bɛ ni m-mari diibu halli n-diri ka kyeeri gba, ka man mun bɛ kpa wa ka kↄm kuuri ma wula? 18N nin yi n-labi m ba saani n-yɛli u, "M ba, n tum Naawunni taalli ni nyin gba taalli, m bu laa n-sumni ni n nyɛ i biiya: 19kur zaŋŋma ma n-leebi i yiri tuntumna." ' Ka u daa doaai n-kyaŋŋi u ba saani. 20Amaa ŋↄn daa na bɛ wa'aligu n-kyɛnni na maa, u ba daa nya u ka namboo daa gbaai u, ka u zↄ n-tuusi u bii maa soori, ka zaŋŋi u nuusi n-gↄbi u ka puusi u suŋŋasuŋŋa. 21Tↄ, ka bii maa yi yɛli u, 'M ba, n tum Naawunni taalli ni nyin taalli gba, m bu laa n-sumni ni n nyɛ i biiya ...', amaa ka u ba daa yɛli u tuntumniba, ni, 22'Ya kyɛm yooma! Ya kyɛma nti zaŋŋi kparisuŋŋu na n-yeeli u, ka zaŋŋi nuntuuwa m-piri u nubila, ka zaŋŋi namna na m-piri u nↄba ni! 23Ka kyaŋŋi n-gbaai na'asuŋŋu la n-kↄrigi m-maali ka ya ti la'am n-di sufupeelli kyuu. 24Dama m bii wa daa kpi ni, ka laa n-vu yaasa; u daa bↄrigi ni, ka n laa n-nya u.' Ka ba zaa sufu daa pɛligi pam di zugu. 25Ka ban daa diri kyuu maa sahanseaa maa, doo maa bikpeema daa bɛ la puu ni. Ŋↄn daa ti doaai n-kunni na, m-pↄtti yiri maa ni na, u daa wum bunŋmeera ni waasi damni, 26ka daa booli yiri maa bisↄ nti boosi u, ni, 'Bↄ n niŋi?' 27Ka u labsi n-yɛli u, ni, 'I tinzↄ la n kuli na, ka i ba gbaai na'asuŋŋu la n-kↄrigi, ŋↄn labi na ni alaafɛ la zugu.' 28Ka bikpeema maa daa gyɛ suuri ka za'asi, ni, u ku kpɛ dundↄŋŋu maa ni. Ka u ba maa daa yi na nti bɛlim u. 29Amaa ka u labsi n-yɛli u ba, ni, 'Gↄsima! Yuunseesi an gaari wa zaa mani n kur namsira, n-tumni tunkpeema n-tiri i, ka mun na zi n-za'asi i noori halli yummu; amaa di zaa yↄri i na zi n-gbaai halli bubila gba n-ti ma ni n deaama ka mani ni n zↄdima la'am n-di kyuu. 30Amaa i bisↄ ŋↄn sa'am i marigu ni pↄ'agoora wa ŋↄn ti gↄ n-labi na, i gbaai na'asuŋŋu la n-kↄrigi n-ti u! Lala ka soori!' 31Ka u ba maa yɛli u, 'M bisuŋŋu, nyin kur bɛ la n saani saha kam, ka man mari bunseelli kam zaa nyɛ la i dinni. 32Amaa di kpa la talasi ni ti di kyuu wa ka mari sufupeelli: dama i tinzↄ wa daa kpi ni, ka laa n-vu yaasa; u daa bↄrigi ni, ka ti nya u yaasa.' "
Read More