Pagpalibot


Matag adlaw mahimong usa ka makahuloganong kinabuhi alang sa usa ka Cristohanon nga nahibalo sa kamatuoran sa pagkapuno sa Balaang Espiritu ug kinsa nagkinabuhi kanunay, matag gutlo, ilalum sa Iyang mahigugmaon nga pagmando.

Imo bang nakaplagan ug nasinati ang kinabuhi nga Napuno sa Espiritu?

Ang Biblia nagpahayag nga adunay tulo ka matang sa mga tawo.

1.  Ang Natural Nga Tawo (wala pa nakadawat ni Cristo sa iyang kinabuhi)
"...Apan ang tawo nga walay Espiritu dili makadawat sa mga butang nga gikan sa Espiritu sa Dios, kay alang kaniya kini binoang ug siya dili makasabot tungod kay kini kinahanglan pagatugkaron sa espirituhanong paagi." (1 Corinto 2:14 NCV).

KINABUHI NGA GIBUTAN SA KAUGALINGON
A Akong kaugalingon anaa sa trono
Mga tinguha nga gibut-an sa kaugalingon mosangput sa kagubot ug kapakyasan.
Si Cristo anaa sa gawas sa kinabuhi


2.  Ang Espirituhanon nga Tawo (ang tawo nga gibut-an ug gigamhan sa Espiritu Santo)
"Ang tawong espirituhanon makahukom sa bili sa tanang mga butang, apan dili siya ilalom sa paghukom kang bisan kinsa" (1 Corinto 2:15).

law4.2.gif (4586 bytes) KINABUHI NGA GIBUT-AN NI CRISTO
A Akong kaugalingon gipa-ubos sa trono
Si Cristo anaa sa trono sa kinabuhi
Mga tinguha nga gigamham ni Cristo mosangput ngadto sa kahusay diha sa plano sa Dios.

 

3.  Ang Kalibutanon nga Tawo (Ang tawo nga midawat kang Cristo, apan nagkinabuhi nga wala'y kadaugan tungod kay siya nagsalig sa iyang kaugalingon nga panlimbasug pagpuyo sa Cristohanong pagkinabuhi).
"Mga igsuon, dili ako makasutli kaninyo ingon nga espirituhanon, kondili ingon nga tawong kalibotanon, ingon nga mga bata diha kang Cristo. Gihatagan ko kamog gatas, dili gahi nga kalan-on, kay dili pa man kamo andam niini. Bisan ngani karon, kamo dili pa man andam. Kamo kalibotanon pa gihapon. Kay samtang anaa pa kaninyo ang kasina ug panagbingkil, dili ba kamo kalibotanon? Wala ba kamo maggawi ingon nga mga tawo nga lawasnon?" (1 Corinto 3:1-3 NCV).

KINABUHI NGA GIBUTAN SA KAUGALINGON
A Akong kaugalingon anaa sa trono
Si Cristo gipahawa sa trono ug wala tugoti sa pagmando sa kinabuhi
Mga tinguha gibut-an sa kaugalingon nga misang-put sa kagubot ug kapakyasan

 

1. Ang Dios nagsangkap kanato sa madagayaon ug mabungahon nga Cristohanong kinabuhi

  • "Ang kawatan motungha lamang aron sa pagpangawat ug pagpatay ug pagguba; ako mianhi aron sila makabaton ug kinabuhi, kinabuhi nga madagayaon." (Juan 10:10).

  • "Ako ang bagon, kamo ang mga sanga, Kon ang usa ka tawo magpabilin kanako ug ako kaniya, siya mamungag daghan; wala kamoy mahimo kon wala ako." (Juan 15:5).
  • "Apan ang bunga sa Espiritu mao ang gugma, kalipay, kalinaw, pagkamapuanguron, pagkaayo, pagkamatinumanon, kaaghop ug pagpugong sa kaugalingon. Kining mga butanga wala mahisupak sa bisan unsang balaod." (Galacia 5:22, 23 NCV).
  • "Apan makadawat kamog gahom sa diha nga ang Balaang Espiritu mokunsad kaninyo; ug mahimo kamo nga akong mga saksi sa Jerusalem, sa tibuok Judea ug sa Samaria, ug ngadto sa kinatumyan sa yuta." (Mga Buhat 1:8 NCV).

Ang Espirituhanon nga Tawo - Ang mga kinaiya nga mosangput tungod sa pagsalig sa Dios:

Nasentro diha kang Cristo Gigamhan sa Balaang Espiritu Gipaila ang uban ngadto kang Cristo Mainampuon

Nakasabut sa Pulong sa Dios

Nagsalig sa Dios

Nagatuman sa Dios		 law4.2.gif (4586 bytes) Gugma
Kalipay
Kalinaw 
Pailob
Pagkamapuanguron
Pagkamatinumanon
Pagkamaayo

Ang ang-ang diin kini nga kinaiya mapadayag diha sa kinabuhi nagadepende sa kalapad diin ang Cristohanon nagasalig sa Ginoo sa matag gutlo sa iyang kinabuhi ug sa iyang pagkahamtong diha kang Cristo. Ang usa nga nagasugod pa lang sa pagsabot sa ministeryo sa Balaang Espiritu dili angay mawad-an ug kadasig kung siya dili sama ka mabungahon sa mas hamtong nga mga Cristohanon nga nahibalo na ug nakasinati  niini nga kamatuoran sa dugay na nga panahon.

Ngano man nga ang kadaghanan sa mga Cristohanon wala makasinati sa madagayaong kinabuhi?

 

2. Ang kalibutanon nga mga Cristohanon dili makasinati sa madagayaon ug mabungahon nga Cristohanong kinabuhi.

Ang kalibutanon nga tawo nagsalig sa iyang kaugalingong panlimbasug sa pagkinabuhi sa Cristohanong kinabuhi:

  1. Siya wala masayud, o nahikalimot, sa gugma, pasaylo ug gahum sa Dios (Roma 5:8-10; Heb. 10:1-25; 1 Juan 1; 2:1-3; 2 Pedro 1:9; Buhat 1:8).

  2. Dili makanunayon ang iyang espirituhanong kasinatian, usahay taas, usahay ubos.

  3. Dili siya makasabut sa iyang kaugalingon - buot niyang buhaton ang matarung, apan dili kini niya mahimo.

  4. Napakyas siya sa pagdawat sa gahum sa Balaang Espiritu sa pagkinabuhi sa Espirituhanon nga kinabuhi (1 Corinto 3:1-3; Roma 7:15-24; 8:7; Galacia 5:16-18)

 

Ang Kalibutanon nga tawo - Pipila o tanan sa mosunod nga mga kinaiya nagpaila sa Cristohanon nga walay hingpit nga pagsalig sa Dios:

Wala makahibalo ug wala makasabut sa iyang espirituhanong kabilin
Walay pagtoo
Dili Matinumanon
Nawad-an sa gugma alang sa Dios ug alang sa uban
Kinabuhi nga kulang sa pag-ampo
Walay tinguha sa pagtoon sa Biblia		 law4.5.gif (4424 bytes) Harung nga makibalaod
Hugaw nga hunahuna
Kasina
Kalapasan
Kabalaka
Wala'y kadasig
Hinawayon nga kina-iya
Pakyas nga tinguha
Pagkab walay tumong


(Ang tawo nga mopaila nga siya Cristohanon apan nagpadayon sa pagpaksala angay moila nga dili tingali siya Cristohanon, sumala sa 1 Juan 2:3, 3:6,9; Efeso 5:5). 

Ang ikatulong kamatuoran naghatag kanato sa kasulbaran sa suliran...

3. Si Jesus misaad sa madagayaon ug mabu-ngahon nga kinabuhi ingon nga resulta sa pagkapuno (gibut-an ug gigamhan) sa balaang espiritu.

Ang kinabuhi nga napuno sa Balaang Espiritu mao ang kinabuhi nga gibut-an ni Cristo, nga niini si Cristo nagkinabuhi diha sa Iyang kinabuhi ug pinaagi kanato sa gahum sa Balaang Espiritu (Juan 15).

  1. Ang tawo mahimong Cristohanon pinaagi sa ministeryo sa Balaang Espiritu sumala sa Juan 3:1-8. Gikan sa panahon sa espirituhanong pagka himugso, ang Cristohanon gipuy-an na sa Balaang Espiritu sa tanang panahon (Juan 1:12; Col. 2:9,10; Juan 14:16,17). Bisan tuod ang tanang Cristohanon gipuy-an na sa Balaang Espiritu dili ang tanang mga Cristohanon napuno (gibut-an ug gigamhan) sa Balaang Espiritu.

  2. Ang Balaang Espiritu mao ang tinubdan sa madagayaon nga kinabuhi (Juan 7:37-39).

  3. Ang Balaang Espiritu mianhi aron sa paghimaya kang Cristo (Juan 16:1-15). Kung ang usa ka tawo napuno sa Balaang Espiritu siya magahimaya usab kang Cristo.

  4. Sa Iyang katapusan nga sugo sa wala pa Siya mokayab, si Cristo nagsaad ug gahum sa Balaang Espiritu aron paghimo kanato nga mga saksi alang Kaniya (Buhat 1:1-9).

Sa unsang paagi man diay, nga ang tawo mapuno sa Balaang Espiritu?

4. Mapuno kita (gibut-an ug gigamhan) sa bala-ang espiritu pinaagi sa pagtoo; unya atong masinati ang madagayaon ug mabungahon nga kinabuhi nga gisaad ni Cristo sa matag Cristohanon.

Maangkon mo ang pagkapuno sa Balaang Espiritu karon dayon kung ikaw:

  1. Sa matinuoron, magatinguha nga pagabut-an ug paga-gamhan sa Balaang Espiritu (Mateo 5:6; Juan 7:37-39).

  2. Itugyan ang paggahum sa imong kinabuhi kang Cristo sumala sa sugo sa Dios (Rom. 12:1-2).

  3. Isugod ang imong mga sala.

    Pinaagi sa pagtoo pasalamati ang Dios sa Iyang pagpasaylo sa tanan nimong mga sala - kaniadto, karon ug sa umalabot -- tungod kay si Cristo nagpakamatay alang kanimo (Col. 2:13-15; 1 Juan 1; 2:1-3; Heb. 10:1-17).

  4. Pinaagi sa pagtoo, angkona ang pagkapuno sa Balaang Espiritu, sumala sa:

    1. Iyang Sugo - Pagpapuno sa Balaang Espiritu. "Ayaw kamo paghubog sa bino, nga maoy maghatod sa pagkamapatuyangon" (Efeso 5:18 NCV).

    2. Iyang Saad - Motubag Siya kanunay sa diha nga kita mag-ampo sumala sa Iyang kabubuton. "Mao kini ang kasigurohan nga atong batonan sa pagduol ngadto sa Dios: nga kon kita mangayo ug bisan unsa sumala sa iyang kabubut-on, magpatalinghog kanatobisan unsa nga atong pangayoon-atong hibaloan nga makabaton kita sa atong gipangayo kaniya." (1 Juan 5:14, 15 NCV).

Ang pagtoo ikapahayag pinaagi sa pag-ampo...

Unsaon sa Pag-ampo Pinaagi saPagtoo AronMapuno sa Balaang Espiritu.

Mapuno kita sa Balaang Espiritu pinaagi lamang sa pagtoo. Hinoon, ang matuod nga pag-ampo maoy maoy usa ka pagpahayag sa imong pagtoo. Ang mosunod mao ang gisugyot nga pag-ampo.

"Amahan, gikinahanglan ko Ikaw. Miila ako nga ako lamang ang nagbuot sa akong kinabuhi ug tungod niini ako nakasala batok Kanimo. Salamat sa Imong pagpasaylo sa akong mga sala pinaagi sa kamatayon ni Cristo sa krus alang kanako. Karon gidapit ko si Cristo pag-usab aron Iyang pagbut-an ang trono sa akong kinabuhi. Pun-a ako sa Imong Balaang Espiritu ingon nga Imong sugo nga ako magpapuno, ug ingon nga Imong saad diha sa Imong pulong nga Imong buhaton kung kini akong pangayoon diha sa pagtoo. Giampo ko kini sa ngalan ni Jesus. Ingon nga pagpadayag sa akong pagtoo, ako karon nagpasalamat sa paggahum Mo sa akong kinabuhi ug sa pagpuno Mo kanako sa Balaang Espiritu, Amen."

Kining pag-ampo nagpahayag ba sa tinguha sa imong kasingkasing? Kung mao, duko sa pag-ampo ug salig sa Dios sa pagpuno kanimo sa Balaang Espiritu karon dayon.

Unsaon Man Nimo Pagkahibalo nga Ikaw Napuno (Gibut-an ug Gigamhan) sa Balaang Espiritu

Gipangayo ba nimo sa Dios nga mapuno ka sa Balaang Espiritu? Nahibalo ka ba nga karon napuno ka na sa Balaang Espiritu? Sa unsang pagbulot-an?

(Ang Diyos mismo kasaligan ug ang Iyang Pulong: Hebreo 11:6; Roma 14:22, 23).

Ayaw'g salig sa pagbati. Ang saad sa Pulong sa Dios, dili ang atong pagbati, maoy atong saligan. Ang Cristohanon nagakinabuhi pinaagi sa pagtuo (pagsalig) diha sa kasaligan nga Diyos ug sa Iyang Pulong. Kining diyagram sa trak nagpakita sa relasyon sa kamatuoran (Dios ug ang Iyang Pulong), pagtoo (atong pagsalig sa Dios ug sa Iyang Pulong), ug pagbati (ang resulta sa atong pagtoo ug pagtuman) (Juan 14:21).

       

Ang trak makadagan bisan aduna o walay treyler. Hinoon, kawang lamang kong ang treyler maoy pabirahon sa trak. Sa samang paagi, kita, ingon nga mga Cristohanon, dili magasalig sa pagbati o galamhan, hinuon atong ibutang ang atong pagtoo (pagsalig) diha sa kasaligan nga Dios ug sa mga saad sa Iyang Pulong.

Unsaon Paglakaw Diha sa Espiritu

Ang pagtoo (pagsalig diha sa Dios ug sa Iyang mga saad) mao lamang ang bugtong paagi nga ang Cristohanon makapuyo sa kinabuhing gibut-an o gigamhan sa Espiritu. Sa nagpadayon ikaw sa pagsalig kang Cristo sa matag gutlo:

  1. Ang imong kinabuhi magpakita ug dugang pang mga bunga sa Espiritu (Gal. 5:22, 23); ug magadugang ang imong pagkahisama ngadto sa dagway ni Cristo (Roma 12:2; 2 Corinto 3:18).
  2. Ang imong kinabuhi sa pag-ampo ug ang pagtoon sa Pulong sa Dios mahimong labi pang makahuloganon.
  3. Masinati mo ang Iyang gahum diha sa pagsaksi (Buhat 1:8).
  4. Maandam ikaw sa espirituhanong pagpakigbugno batok sa kalibutan (1 Juan 2:15-17); ug batok kang Satanas (I Pedro 5:7-9; Efeso 6:10-13).
  5. Masinati mo ang Iyang gahum sa pagsukol sa tentasyon ug sala (1  Cor. 10:13; Filipos 4:13; Efeso 1:19-23; 6:10; 2 Tim. 1:7; Roma 6:1-16).

Espirituhanong Pagginhawa

Pinaagi sa pagtoo makapadayon ikaw sa pagsinati sa gugma ug pasaylo sa Dios. Kung nakamatngon ka ug bahin sa imong kinabuhi (batasan o buhat) nga wala makapahimuot sa Dios, bisan pa sa imong paglakaw uban Kaniya, ug sa mainiton nagatinguha sa pag-alagad Kaniya, pasalamati ang Dios nga Siya nagpasaylo sa imong mga sala - kanhi, karon ug sa umalabot nga nagasukad sa kamatayon ni Cristo sa krus. Angkona ang Iyang gugma ug pasaylo pinaagi sa pagtoo ug padayon sa pagpakig-ambit uban Kaniya.

Kung imong bawion ang trono sa imong kinabuhi pinaagi sa sala -- usa ka tino nga buhat sa pagsupil -- kinahanglan ang espirituhanong pagginhawa.

Ang Pagginhawa nga Espirituhanon (pagpagawas sa dili maayo ug pagpasulod sa maayo maoy pagbansay diha sa pagtoo nga makapadayon ka sa pagsinati sa gugma ug pasaylo sa Dios.

1. PAGPAGULA - isugid ang imong sala - uyoni ang Dios mahitungod sa imong sala ug pasalamati Siya sa Iyang pagpasaylo niini, sumala sa 1 Juan 1:9 ug Hebreo 10:1-25. Ang pagsugid naglabot sa paghinulsol - ang kausaban sa batasan ug buhat.

2. PAGPASULOD - itugyan ang pagbulot-an sa imong kinabuhi ngadto kang Cristo, ug angkona (dawata) ang pagkapuno sa Balaang Espiritu pinaagi sa pagtoo. Salig nga karon Siya na ang magbuot ug magagahum kanimo sumala sa sugo sa Efeso 5:18, ug sa saad sa 1 Juan 5:14-15.

KONG KINING LIBRETA MAY KAHULOGAN UG NAKATABANG KANIMO, PALIHUG IHATAG O BASAHA KINI NGADTO SA UBAN.

Minilyon nga kopya niining libreta, "Imo bang Nakaplagan ug Nasinati ang Kinabuhi nga Napuno sa Espiritu?" nga giapod-apod sa mga dagkung pinulongan sa tibook nga kalibutan. Ingon nga resulta, linibo nga mga Cristohanon ang nakakat-on unsaon pagsinati ang gahum ug pagbuot sa Balaang Espiritu,sa matag gutlo. Pinaagi sa madagayaon nga kinabuhi nga gisaad ni Cristo, nga karon ilang nasinatian, nahimo silang epektibo sa pagpakig-ambit sa ilang pagtoo diha kang Cristo ngadto sa uban. Ang kasinatian nagpakita sa pagka makatarunganon sa sugo ni Cristo sa mga tinun-an sa paghulat hangtud makadawat sila sa gahum sa Balaang Espiritu sa dili pa sila moadto sa kalibutan sa pagpakig-ambit sa maayong balita sa lyang gugma ug pasaylo. Kadaghanan sa mga Cristohanon, sa higayon nga sila nahibalo niining kamatuoran mahitungod sa Balaang Espiritu, gusto nga aktibo nga moapil sa pagpakig-ambit kang Cristo ug pagtabang sa mamahimong pagtuman sa Dakong Sugo niining atong panahon. 

KARAGDAGANG INPORMATSYON

Kung wala kay porma nga Capable Web browser, ug gusto mo ug mga dugang nga mga impormasyon, palihug tawag sa 1-800-235-7255 o sulat sa :

Campus Crusade for Christ International
P.O. Box 593684
Orlando, FL 32859