/home/mylanguagenet/public_html/sites/mylanguage.net.au/files/4sl/Ceb4.html
Maingon nga may mga balaod nga pisikal nga nagdumala sa kalibutan o kinaiyahan, mao man usab nga may mga balaod espiritual nga nagdumala sa atong relasyon sa Dios.
1. Ang Dios NAHIGUGMA kanimo ug Siya adunay maanindot nga PLANO alang sa imong kinabuhi.
(Mga referencia niining basahona gihubad sumala sa kahulugan, ug dili lamang sa letra, busa, kinahanglan sabton kini, sumala sa kinatibuk-ang pagtulon-an sa tibuok Biblia).
ANG GUGMA SA DIOS
“Kay gihigugma sa Dios ang kalibutan nga tungod niana nga Iyang gihatag ang lyang bugtong nga Anak, aron bisan kinsa nga mosalig Kaniya, dili malaglag, kondili, may kinabuhing dayon.” (Juan 3:16)
ANG PLANO SA DIOS
[Si Cristo nag-ingon] “Ako mianhi aron sila makabaton ug kinabuhi, ug sa pagkabaton niini, sa madagayaon gayud” (aron mapuno ug mahimong mahinungdanon). (Juan 10:10)
Ngano man nga kasagaran sa mga tawo karon wala makasinati niining kinabuhi nga madagayaon? Tungod kay…
2. Ang tawo MAKASASALA ug NAHIMULAG sa Dios. Busa, tungod niini, dili siya makahibalo ni makasinati sa gugma ug plano sa Dios alang sa iyang kinabuhi.
ANG TAWO MAKASASALA
“Sanglit nakasala man ang tanan ug nawad-an sa himaya sa Dios.” (Taga Roma 3:23)
Ang tawo gibuhat aron makigdait sa Dios. Apan tungod sa iyang kinaugalingong pagsupak sa Dios, nabugto ang ilang maayong pakigdait. Kining kinaugalingong pagsupak nga gikinaiya sa aktibong pagrebelde o hilom nga pagkaindeperente sa tawo batok sa Dios mao’y ilhanan sa sala sa kinabuhi sa tawo sumala sa Biblia.
ANG TAWO NAHIMULAG
“Ang bayad sa sala mao ang kamatayon” [espirituhanong pagkahimulag sa Dios]. (Taga Roma 6:23)
Kini nga hulagway, nagapakita nga ang Dios balaan ug ang tawo makasasala. Usa ka dakung bung-aw nag-ulang o nagbulag sa duha. Ang tawo nagasulay sa tawhanong pagpanglimbasog sa pagkab-ot sa Dios ug pagbaton sa kinabuhing madagayaon pinaagi sa maayong pagkinabuhi, pamatasan, filosofiya, ug relihiyon, apan napakyas 1ang siya.
Ang ikatulong lagda makahatag kanato sa bugtong tubag niini nga problema.
3. Si Cristo Jesus lamang ang bugtong GIHATAG sa Dios alang sa kapasayloan sa atong mga sala. Pinaagi ni Jesus, imong mahibaloan ug masinatian ang gugma ug plano sa Dios alang sa imong kinabuhi.
NAMATAY SIYA PULl KANATO
“Apan ang Dios nagapadayag sa lyang gugma alang kanato pinaagi niini nga bisan sa mga makasasala pa kita, si Cristo nagpakamatay alang kanato.” (Taga Roma 5:8)
NABANHAW SIYA GIKAN SA MGA MINATAY
“Si Cristo namatay tungod sa atong mga sala, nga Siya gilubong, nga Siya nabanhaw sa ikatulo ka adlaw sumala sa kasulatan, ug nga Siya nagpakita kang Pedro, ug unya sa Napulog-Duha. Unya mipakita Siya ngadto sa kapin sa lima ka gatus ka mga igsuon... “(I Corinto 15:3-6)
SI JESUS MAO LAMANG ANG DALAN
“Si Jesus miingon kaniya ‘Ako mao ang dalan, ug ang kamatuoran ug ang kinabuhi, wala ‘y bisan kinsa nga makaadto sa Amahan gawas kon pinaagi Kanako.” (Juan 14:6)
Gipakita niini nga hulagway nga ang Dios nagbutang ug taytayan sa bung-aw nga nagbulag kanato gikan Kaniya pinaagi sa lyang pagpadala sa lyang bugtong Anak, nga si Jesus, nga nagpakamatay puli kanato.
Dili igo ang pagkahibalo lamang niining tulo ka mga lagda…
IKAUPAT NGA LADGA
4. Ang matag usa kanato kinahanglan nga MODAWAT kang Cristo ingon nga Ginoo ug Manluluwas; sa diha nga atong buhaton kini, atong mahibaloan ug masinati-an ang gugma ug plano sa Dios alang sa atong mga kinabuhi.
KINAHANGLAN ATONG DAWATON SI JESUS
“Apan sa tanang modawat Kaniya, sa tanang mitoo sa lyang ngalan, kanila naghatag Siya ‘g gahum sa pagkahimong mga anak sa Dios.” (Juan 1:12)
ATONG MADAWAT SI JESUS PINAAGI SA PAGTOO
“Kay tungod sa grasya kamo nangaluwas pinaagi sa pagtoo ug dili sa inyong kaugalingong kahimuan, kini hatag sa Dios, dili tungod sa binuhatan aron wala y bisan kinsa nga magpasigarbo. “ (Efeso 2:8.9)
ATONG MADAWAT SI JESUS PINAAGI SA PERSONAL NGA PAGDAPIT
[Si Cristo nag-ingon], “Tan-awa, nagatindog Ako sa pultahan ug nagatuktok kon may magpatalinghog sa Akong tingog ug moabli sa pultahan kaniya mosulod Ako.” (Pinadayag 3 :20)
Ang pagdawat kang Cristo nagalabut sa pagtalikod sa kaugalingon ug pagduol ngadto sa Dios. Kini nagpasabut nga saligan nato si Cristo sa pagsulod sa atong kinabuhi ug sa pagpasaylo sa atong mga sala, ug sa paghimo kanatong katawhan sumala sa lyang kabubut-on. Dili igo ang pag-uyon sa tanan Niyang gi-angkon sa hunahuna lamang. Dili usab igo ang kasinati-ang emosyonal. Atong madawat si Cristo pinaagi sa pagtuo, sa kinabubot-on-gayud.
KINING DUHA KA MGA SIRKULO NAGAHULAGWAY SA DUHA KA MATANG SA KINABUHI.
|
KINABUHI NGA GIGAMHAN SA KAUGALINGON |
KINABUHI NGA GIGAMHAN NI CRISTO |
|
A - Ako, kaugalingon nga mao’y naghari sa trono sa kinabuhi. † - Si Cristo wala’y labut sa iyang kinabuhi. • - Mga interes nga gigamhan sa kaugalingon, miresulta sa kagubot ug kapakyasan. |
† - Si Cristo mao’y nagagahum ug nagalingkod sa trono. A - Ako, kaugalingon gipaubos. • - Mga interes nga gigamhan ni Cristo, miresulta sa kinabuhi nga haum ug uyon sa plano sa Dios. |
Hain niining duha ang naghulagway sa imong kinabuhi?
Hain niining duha ang gusto nimong maghulagway sa imong kinabuhi?
Ang mosunod magpahayag kon unsaon nimo pagdawat kang Kristo.
IMONG MADAWAT SI CRISTO KARON DAYON PINAAGI SA PAG-AMPO NGA MAY PAGTOO.
(Ang pag-ampo mao ang pagpakigsulti sa Dios)
Ang Dios nasayud sa imong kasingkasing, ug wala Siya mag-apas sa imong mga pulong, kondili sa pagkamatinod-anon sa imong kasingkasing. Kining mosunod mao’y usa ka sugyot nga pag-ampo nga may pagtoo.
“Ginoong Jesus, gikinahanglan ko Ikaw. Salamat sa imong pagpakamatay sa krus alang sa akong mga sala. Ako karon nag-abli sa pultahan sa akong kinabuhi ug dawaton ko Ikaw nga akong Manluluwas ug Ginoo. Salamat sa Imong pagpasaylo sa akong mga sala ug paghatag kanako ug kinabuhing dayon. Gamhi ang trono sa akong kinabuhi. Himoa ako sumala sa Imong kabubuton. Amen.”
Kini nga pag-ampo mao ba ang tinguha sa imong kasingkasing?
Kung ugaling mao, sunda kini ingon nga imong pag-ampo sa pagdapit kang Jesu-Cristo karon dayon, ug si Cristo mosulod gayud sa imong kinabuhi sumala sa lyang pasalig o saad.
UNSAON PAGKAHIBALO NGA SI CRISTO ANAA SA IMONG KINABUHI
Sa imong pag-ampo, imo bang gidawat si Cristo sa imong kinabuhi? Sumala sa lyang gisaad sa Pinadayag 3:20, hain naman si Cristo karon? Si Cristo miingon nga Siya mosulod sa imong kinabuhi, mamakak ba Siya kanimo? Unya, gi-unsa man nimo pagkahibalo nga gitubag sa Dios ang imong pag-ampo? (Kasaligan gayud ang Dios ug ang lyang pulong. Sa laing pagkasulti, Siya magatuman gayud sa lyang mga saad.)
ANG BIBLIA NAGASAAD SA KINABUHING DAYON SA TANANG MODAWAT KANG CRISTO
“Ug ang pagpamatuod mao kini: nga kita gihatagan sa Dios ug kinabuhing dayon, ug kining kinabuhi-a anaa sa lyang Anak. Ang makapanag-iya sa Anak may kinabuhi, apan ang wala makapanag-iya sa Anak, wala ‘y kinabuhi. Kining mga butanga gisulat ko kaninyo nga nanagpanoo sa Anak sa Dios aron kamo masayud nga kamo nakapanag-iya na sa kinabuhing dayon.” (I Juan 5:11-13)
Pasalamati ang Dios kanunay nga si Cristo anaa sa imong kinabuhi ug nga ikaw dili gayud Niya biyaan (Hebrohanon 13:5).Imong masiguro nga ang buhing Cristo anaa sulod kanimo, nga aduna ka’y kinabuhing dayon, human Siya madawat tungod kay lyang gisaad kini. Ug gawas pa, dili gayud Siya magalimbong kanimo.
Usa ka importante nga pahinumdum...
AYAW BASIHI ANG IMONG PAGBATI
Ang saad sa Pulong sa Dios -- ang Biblia — dili ang atong mga pagbati — ang atong basihanan. Ang Cristohanon nagakinabuhi pinaagi sa pagtoo (pagsalig) sa kasaligan nga Dios ug sa lyang Pulong. Kining hulagway sa trak nagapakita sa relasyon sa kamatuoran (ang Dios ug ang lyang Pulong), pagtoo (ang atong pagsalig sa Dios ug sa Iyang Pulong), ug pagbati (ang resulta sa atong pagtoo ug pagtuman). (Juan 14:21)
Ang trak modagan gayod bisan naa o wala’y trailer. Apan dili gayod mahimo kon ang trailer mao ang magbira sa trak. Sa sama nga paagi, kita sa atong pagka Cristohanon dili mosalig sa atong mga pagbati, hinuon, atong ibutang ang atong pagtoo (pagsalig) sa kasaligan nga Dios ug sa lyang mga saad diha sa lyang Pulong.
KARON NGA IMO NANG NADAWAT SI CRISTO
Sa higayon nga sa kinabubot-on gayod imong gidawat si Cristo pinaagi sa pagtoo, daghang mga butang ang nahitabo kanimo, sama sa mosunod:
- Si Cristo misulod sa imong kinabuhi. (Pinadayag 3:20; Taga Kolosas 1:27)
- Aug imong mga sala gipasaylo na. (Taga Kolosas 2:13)
- Nahimo ikaw nga anak sa Dios. (Juan 1:12)
- Nakadawat ka ug kinabuhing dayon. (Juan 5:24)
- Imo nang gisugdan ang dakung buluhaton diin ang Dios nagbuhat kanimo alang niini. (Juan 10:10; II Corinto 5:17; 1 Tèsalonica 5:18).
Duna pa ba kaha’y labaw ka maanindot nga mahitabo kanimo gawas sa imong pagdawat kang Cristo? Gusto mo bang pasalamatan ang Dios karon pinaagi sa pag-ampo, tungod sa lyang gibuhat alang kanimo? Pinaagi sa pagpasalamat, imong gipadayag o gipakita ang imong pagtoo.
Karon unsa ma’y sunod?
MGA SUGYOT ALANG SA CRISTOHANONG PAGTUBO
Ang espirituhanong pagtubo nagagikan sa pagsalig kang Cristo. “Ang matarong nagakinabuhi sa pagtoo.” (Taga Galatia 3:11) Ang kinabuhi nga may pagtoo makapadasig kanimo sa pagsalig sa Dios sa tanang bahin sa imong kinabuhi, ug sa pagbuhat niining mosunod:
- Duol sa Dios matag-adlaw pinaagi sa pag-ampo. (Juan 15:7)
- Basaha ang Pulong sa Diyos matag-adlaw (Mga Buhat 17:11); sugdi kini sa Ebanghelyo ni Juan.
- Tumana ang Dios sa tanang gutlo. (Juan 14:21)
- Pagsaksi alang kang Cristo pinaagi sa imong mga pulong ug pagkinabuhi. (Mateo 4:19; Juan 15:8)
- Isalig sa Ginoo ang tanang bahin sa imong kinabuhi. (I Pedro 5:7)
- Tuguti ang Espiritu Santo sa pagdumala ug paggahum sa imong kinabuhi matag-adlaw ug sa imong pagsaksi. (Taga Galatia 5:16, 17; Mga Buhat 1:8)
ANG PAGPAKIGHIUSA SA MAAYONG SIMBAHAN
Ang Pulong sa Diyos nagatudlo kanato sa “dili pägbiya sa atong panagtigum...”(Hebreohanon 10:25). MägadiIaab ang kalayo kung daghang sugnod. Apan kong imong ipadaplin ang usa sa mga sugnod, kining sugnora mapalong. Ingon usab niini ang atong relasyon sa atong isig ka Cristohanon. Kon wala kay gitambungan nga simbahan, ayaw paghulat nga tawgon ka pa. Paninguha nga makasimba ka sa simbahan diin si Cristo ginapasidunggan ug ang Iyang Pulong ginasangyaw. Sugdi kini karong Dominggo ug himo-ang tumong ang pagsimba kanunay.
MGA PINASAHING PAGTULON-AN ALANG SA CRISTOHANONG PAGTUBO
Kung imong gidawat si Cristo sa imong kinabuhi pinaagi niini nga presentasyon, may dugang pang mga materiyales nga makatabang alang sa imong Cristohanong pagtubo. Imo kining mapalit sa:
Philippine Campus Crusade for Christ
P.O. Box 458, 1099
Manila
(632) 9254197-98
nhq@ccc.org.ph
www.ccc.org.ph
Cebu Campus Crusade for Christ
262-R Duterte St.,Verano’s Compound, 6000 Cebu City
(32) 261-2943
jojobesin2010@yahoo.com
Davao Campus Crusade for Christ
UY Building corner Palma Gil Porras Streets
Bo.Obrero, 8000 Davao City
(82) 224-2780
blaurico@yahoo.com
