BETUT AGE TUGUL KOMUCHI KOEK BETUT NE BO KATERTERET ENG’ KAMUGETAB TAMIRMIRIET NE TILIL 

Ye kingetaach Jesu Kristo, kokinyo Tamirmiriet ne Tilil komeng’is eng’ inye.  Yaei Tamirmiriet ne Tilil komugak eng’ Kristianindet age tugul kosob sobet ne ititaat ak konyiitaat boiboiyet.

Mewawech Bukuit ne Tilil agobo Tamirmiriet ne Tilil:

1. Tamirmiriet ne Tilil ko Jehovah.   (Boisionik 5:3-5) 
2.  Menyei Tamirmiriet ne Tilil chito age tugul ne kigotaach Jesu Kristo koek yetindennyi. (1 Korintoek 3:16, Romanik 8:9)  
3.  Konech Tamirmiriet ne Tilil kamuget kesopche sobet ne bo Kristoinatet.  (Galatiek 5:22, 23, Romanik 8:11)  
4.  Konech Tamirmiriet ne Tilil kamuget kebaorian Kristo.   (Boisionik 1:8)  
5.  Kim Tamirmiriet ne Tilil kosiir tamirmirik alak    (1 Johana 4:1-4) 
Miwawech Bukuit ne Tilil agobo bik somok che terjin… 

CHITO NE MATINYE KRISTO

  Ma menyei Tamirmiriet ne Tilil chito ne tomo kotaach Jesu Kristo koek yetindennyi  (Epesoek 1:13)

  Mwaei Bukuit ne Tilil kole “Mataachei chito ne mi eng’ atebetab borto tuguk che bo Tamirmirietab Jehovah:  amu berberindo eng’ inendet ak temene kobesio tuguchuto amu naoksei eng’ Tamirmiriet”.  
(1 Korintoek 2:14).

Iboru pichaini kit neu chito ne matinye Kristo.

		-- Jesu Kristo
		-- Ng’ echeretab bounatet eng’ sobetab chito orit.

1.  Mitei sang Jesu eng’ sobetab chichi. 

    2.  Mitei chichi ng’ echeret Bou sobennyi. 

                           3.  Nyoljin chichi kotaach Jesu Kristo Koek yetindennyi.

KRISTIANINDET NE NYIITAT TAMIRMIRIET

  Ye kingagitaach Jesu Kristo koek yetindennyo, koginyo Tamirmiriet ne tilil komeng’is eng’ achek (Romanik 8:9).  Kinyiitech Tamirmiriet, kaguiyennyin ko kebagakchi Jesu Kristo koboiwech ak kondoiwech.  Kimang’u kimnatennyi ma nenyo.  Iaroru Bukuit ne Tilil sobet ne nyiitat tamirmiriet kou ni:

Galatiek 5:22, 23 “Ago logoiyotab Tamirmiriet ko chamnyet, boiboiyet, kalyet, muitaet, talasiet, miendo, atepto ne kiyani, kaming’inetab ge, ribetab ge,mami ng’atutiet ne esioi chuto.

Boisionik 1:8  “Ago otaache kamuktaet, ye tun kanyonjok Tamirmiriet ne Tilil:  ak oegu baorinikyuk eng’ Jerusalem, ak eng’ Judea ak Samaria, ak agoi tabandab ng’ony. 

	Nai ile….  1. Meng’isiei Jesu Kristo eng’ oritab chichi.  2. Mitei Jesu ng’echeretab bounatet ak bou sobetab chichi.  3. Sobei Kristianindoni koboisiechi Kristo.

Ye kigochi Jesu Kristo koboi sobonwekyok.  Kiboiboi Jehovah, ak ketinye maget kesoman Bukuit ne Tilil ak kesae, kitinye maget kemwachi bik alak agobo Kristo ak kemache ketebi ak Kristianik alak.  Iboru sobonwekyok logoiyatab Tamirmiriet mising’.

   1. Ole te kamang’unennyi eng’ Kiptaiyat koboto kebeberta age tugul ne bo sobennyi. 

   2. Ole te betusiek che kigotebe Kristo sobennyi.  Kristianindet ne nyitaat Tamirmiriet ko maigesunotge, kobate imang’u Jehovah kobois eng’ sobennyi ak koboisie sobennyi. 

   Kristianindet ne ma nyiitat Tamirmiriet ko….

KRISTIANINDET NE BOUGE

Kristianindet ne bouge koribe mising’ agobo kobaibaige kosiir kobaibai Jehovah.  Kristianindet ne bouge kou lakwet ne mache orennyi-kou chito ne bo ng’ony.  Imang’u kimnatennyi si kosob sobet ne bo Kristoinatet.

Mwaei Bukuit ne Tilil kou ni agobo Kristianindet ne bouge: 

1 Korintoek 3:1-3:  “Kitemena anyun, che kitupche, ang’alalwok kou bik che mi eng’ atebetab tamirmiriet ago kou bik che mi eng’, atebetab borto, kou che manyurunik eng’ Kristo.  Kiaguenak chego, ma abaenak amitwogik che uuen, amu kitom omuch;  achicha, agot nguno kotom omuch; amu ta omi eng’ atebetab borto; amu kou ye mi kwenung’wong’ ng’etkonda ak boriet, tos momi eng’ atebetab borto, ak obendoti kou biteetab bik?” 

Eng’ sobetab Kristianindet ne bouge komuchi koboorgei tuguchu: 

Atgaitugul ko:  -Ma imang’u Jehovah koitita  -Bistoe Ng’olyotab Jehovah  -Matoreti alak kobwanji Kristo  -Matinyei saet ne yamei -Tinyei maget ne matia  kosoman Bukuit ne Tilil   -Tinyei kabwatutik che yaach
		Imuchi:  -Korukyigei  -Kotinyei ng’etkonda  -Kogerere met  -Kome mugulel  -Koruokyin alak eng’ kimnatet  -Koek ne nerechi

   1. Jesu Kristo ko ta ko yetindennyi ak komitei sobondannyi. 

   2. Mitei kristianindoni nguno ng’echeret kobou sobennyi. 

   3. Ta komitei Tamirmiriet ne Tilil sobetab kristianindoni, ago matinyei bounatet tugul.   

   Amu nito….

  Kristianindet ne bouge ko eng’ kasarta age komachei kobaibai Jehovah ago mayaei kit ne nyolu koyai (Romanik 7:15, 18, 24).  Imangu kimnatennyi, ne matilei kiy.  Kou noto, ko masobei kristianindet ne bouge sobet nenyitaat ak ne bo boiboiyet, kotugul kosobe sobet ne maigesunotgei.  Betut age koyaei tuguk kou chi ne ma kristianindet.  

TOS I CHITO NEU NEE?

Chito ne matinyei Kristo	Kristianindet ne nyiitat Tamirmiriet	Kristianindet ne bouge

Tos imache iegu chito neu nee?
Kiegu kristianik ye kaginde komong’unennyo Jesu Kristo koek yetindet eng’ kayanet.  Kogeny kinyiitech Tamirmiriet ne tilil eng’ kayanet. 

IMUCHI KINYIITIN TAMIRMIRIET NE TILIL NGUNO

Ngot imache Tamirmirietab Jehovah kondochi sobondang’ung’ ak kogonin kamuget isob ko:

1. Nyolu itinye maget konyiitin Tamirmiriet ne Tilil (Matayo 5:6).  Ma nyonei Kristo  

2. Ing’any tengekwogikuk.  Ogasyine ak Jehovah ile kiyai tengek.  Mwachi inendet kongoi amu kinyoun kaat eng’ meetab Kristo Agobo inye (Kolosaik 2:13-15;  1 Johana 1:9).  Isotoegei tengekwogikuk ak ilewen igas it Jehovah. 

3. Igochi bounatetab sobondang’ung’ Jesu Kristo (Romanik 6:13).  Si imuch isob sobet ye nyiitat Tamirmiriet; Konyolu icham igochi Inendet koboi siling’isiekuk, baroindang’ung’, boisieng’ung’ ak tilianutiguk koboto kong’ung’ ak choronoguk.

IMANG’U JEHOVAH KONYIITIN TAMIRMIRIET NE TILIL

Inyiitin Jehovah (koboun ak kogimitin) eng’ Tamirmiriennyi ne Tilil, ngot imang’u Inendet koyai kou noto.  Imugaksei inai nito amu mwawech Bukuit ne Tilil agobo: 

Ng’atutiennyi:

(Epesoek 5:18 “Amat obogitye eng’maiyek, che ibu maget ne ya ago ingonyiiak Tamirmiriet”.

  Magetab Jehovah konyiit kristianik tugul eng’ Tamirmiriet ne Tilil.  Kayomisutiennyi:

(1 Johana 5:14, 15 “Ak ni nyiganatet ne ketinye eng’ inendet kele ngesom kiy age tugul kou magennyi, kogasech ak ngot kingen kele kasech eng’ kit age tugul ne kosome, kingen kele kitinye tuguk che kigesom inendet.”

Amu ng’atech ng’olyotab Jehovah, Bukuit ne Tilil, kinyiitech tamirmiriet, kenae kele magetab Jehovah.  Kou noto imuchi inai ile inyiitin Jehovah eng’ Tamirmirienyi ye imang’u Inendet koyai kou noto.  Kiyomis kowol somutichoto mi kou eng’ mangennyi.